خبر سيء جدّا لقيس سعيّد..!

 

جاب الفخفاخ واقنعوا الي هو يقدر يحميه وكي طاح ما قد يعملوا شيء بل أجبروا باش يقدم استقالتو باش ما يخسرش التعيين القادم..

جاء المشيشي فهم اللعبة وفهم الي الرئيس يحب يخدم برؤساء الحكومات، رئيس الحكومة الي يجي يحب يردو وزير أول، فهم زادة الي الرئيس يورط الوزير الاول متاعو وما يقدرش يخلصو من الورطة.. يخليه واحل.. فهم زادة الي قيس ما يهموش الي طاح طاح، يلاّ، إلي بعدو..

حصل الفخفاخ... منع المشيشي.. حصل شرف الدين! قالو الرئيس اخدم ولا يهمك، ولت اي معلومة تجيه من نادية يطبقها مغمض واي معلومة عندو يبعثهالها!!! آخي موش قالوا محامي يفهم في القانون والدستور! مالا كيفاش جدت عليه الي قيس يقدر يحميه وعطى الڨاز وحط الي عندو، وقام بمجزرة الإقالات وزاد تحول الى ببغاء، يردد في كلام قيس بالحرف، عبارة القائد الاعلى للقوات المسلحة العسكرية والامنية هذي بدعة عمرنا ما سمعناها من بورقيبة لتو! قالها قيس سعيد هاو رددها شرف الدين بالحرف!!!

نصرالدين السويلمي